شهداد خان کوسو: شهداد کوسو ميان نصير محمد ڪلهوڙي جي حامي کوسا سردارن منجهان هو، غالبن جڏهن ميان نصير ڇنيءَ تي قبضو ڪيو هو، تڏهن شهداد کوسو ساڻس گڏ هو ۽ قبضي کانپوءِ علائقو سندس حوالي ڪيو هئائين. گولي فقير کوسي ۽ بشام فقير کوسي جي خاندان سان سندس تعلق ٿي سگهي ٿو. شهداد کوسي ڇني ۾ رهائش دوران ڇني کان الهندي ٽڪريءَ تي ڳوٺ ٻڌو جيڪو شهدادپور جي نالي سان سڏجڻ ۾ آيو. ڪن روايتن موجب شهداد کوسي جي ڇنيءَ ۾ قيام سبب ڳوٺ ڇنيءَ جو نالو شهدادپور رکيو ويو. جڏهن هن علائقي ۾ کوسن جو شور برپا ٿيو هو، تڏهن غالبن شهداد کوسي غازي شاهه عرف گاجي شاهه جو ساٿ ڏنو هو، سندس مقبرو ڇني کان الهندي ٽڪريءَ تي اڄ به موجود آهي.